Capel y Rhath - Pen-y-wain Road, Y Rhath, Caerdydd CF24 4GG

Cyswllt fideo byw
am 3.30pm bob Sul


Tudalen Pregethau Capel y Rhath
gwrando neu lawr lwytho

Cyswllt i lythyr
yn cyflwyno Capel y Rhath

Capel y Rhath »
Oedfaon Cymraeg am 3.30pm
bob prynhawn Sul

Cwrdd Gweddi misol
yn Neuadd 'Tabernacle Cardiff'
am 7.30yh ar y 3edd nos Iau
ymhob mis.

Am wybodaeth bellach
cysylltwch ag Alun Higham >>
rhif teleffon: 02920689985
alunhigham@capelyrhath.org

Cyflwr Crefyddol ein Gwlad

_{Mae’n anodd dychmygu beth fydd cyflwr crefyddol a
moesol ein gwlad ymhen degawd arall. Ers sawl
blwyddyn bellach, mae’r sefyllfa yn ein gwlad wedi dirywio
yn helaeth. Nid oes gan rai ddiddordeb o gwbl i
ddarganfod atebion cwestiynau pwysicaf bywyd, megis -
a oes yna Dduw? I ba bwrpas y mae dyn ar y ddaear?
Beth sydd ar ôl marwolaeth? Beth yw ein cyfrifoldeb tuag
at Dduw? Beth yw arwyddocâd croeshoeliad Iesu Grist?
Gwelir eraill yn ymddiddori ac yn chwilota am atebion,
ond fe’u drysir yn llwyr gan liaws o ddamcaniaethau ac
athroniaethau gwahanol. Mae neges glir y Beibl yn ateb
yr holl gwestiynau hyn. Pwrpas ein cyfarfodydd fydd i
egluro neges yr efengyl, fel y’i ceir yn y Beibl. Mae efengyl
ein Harglwydd Iesu Grist yn hanfodol ar gyfer bywyd
ysbrydol a thragwyddol.}

Llythyr i'r Enaid: Annwyl Gyfaill

_{Y mae’r hen Feibl Teuluaidd mawr yn dal yn ein teulu ni,
yn cofnodi genedigaethau a marwolaethau nifer o
genhedloedd yn hanes y teulu. Bellach y mae Beiblau llai
a hwylusach i’w defnyddio gennym. Y rheswm y soniaf
am yr hen Feibl Mawr yw hyn. Yn y rhagymadrodd gan
Peter Williams, y mae’n dechrau ei erthygl gyda’r geiriau
trawiadol ‘Enaid Gwerthfawr’. Anaml iawn heddiw y clywir
sôn am enaid, ond sôn neu beidio y mae gan bob un
ohonom enaid, a hynny yn rhywbeth gwerthfawr. Yn
anffodus ac yn drist, hawdd yw esgeuluso’r enaid ...}